KO E POAKI – Ko e poaki kotoa pe ‘e fakahoko ki he ‘ofisi ‘o e kolisi ‘i he taimi ngāue pea ki he ‘api nofo’anga ‘o e Tiuta Lahi ‘i he taimi pe ko ‘eni: 5:30 – 7:00 pm. ‘Oku ‘ikai ke fiema’u ke to e hu mai ha me’alele ki he kolisi ‘i he 10pm – 6am kapau ‘oku te’eki ke fakamafai’i ‘e he kau ma’u mafai ‘o e ako’anga. Fakapapau’i pe ‘oku ‘i ai ha feitu’u ke malu ki ai ‘a e puha vala mo e mohenga ‘a ho’o tamasi’i kapau ‘e poaki ke mavahe mei he Falemohe.
TU’UTU’UNI KI HE FOOMU 5 & 6 (National)
Kuo pau ke fai ‘e he tamasi’i F5 & F6 ‘a e ngāhi lesoni ‘o ‘oua ‘e si’isi’i he lesoni ‘e 5. Ka ‘i ai ha fiema’u kehe pea ‘e fai ‘a e femahino’aki mo e Tokoni Puleako (Academic). Fakatokanga’i ange kuo pau ke kau kotoa ki he sivi fakapule’anga.
TU’UTU’UNI FOOMU 7 (Foundation & International)
Ko e Form 7 Foundation tenau fakakakato ‘a e ngaahi fiema’u ‘o e polokalama Foundation ‘a USP. Ko e Form 7 International kuopau ke ‘oua to e si’i hifo ‘i he lesoni ‘e 6 (12 Units) ‘a ia na’e kamata mo ia ‘i he Form 6.
PASA FAKATA’U
– Ngaue fakamea’a
Ko e tamasi’i ako kotoa pe kuo pau ke ‘i ai ‘ene ngāue fakamea’a. Ko e kalasi kotoa ‘e fai ‘enau ngaue fakamea’a ‘i he taimi ngaue fakamea’a. Ko e ngāue fakamea’a ‘a e kalasi ‘e toki vahe ‘i he kamata ‘o e teemi 1.
– Ngaahi me’a kehe ki he Pasa
Ko ha toe me’a kehe ke toe tanaki atu ki he Pasa mei ha tu’utu’uni faka-Fale pe faka-Kalasi, kuo pau ke fou kotoa atu mei he ‘Ofisi ‘o e Puleako.